Google ADS

Palmer: Kërkojmë njohje reciproke Kosovë-Serbi

22:02 | 4 Dhjetor 2019
Arbresh.info

Zëvendësndihmës sekretari i Shtetit të SHBA-së, Matthew Palmer dhe përfaqësues për Ballkanin Perëndimor ka thënë sot se Amerika dëshiron që të shohë normalizim të plotë të marrëdhënieve në mes të Kosovës dhe Serbisë,

Sipas tij ky normalizim nënkupton njohjen reciproke ndërmjet dy shteteve.

Për N1 në Bosnjë, ai ka thënë se “është e nevojshme që Prishtina dhe Beogradi të ulen në tavolinë, ta arrijnë marrëveshjen dhe të marrin rrugë drejt Bashkimit Evropian”.

“Duhet të arrihet marrëveshja e cila do të jetë e pranueshme dhe e përkrahur nga publiku në të dy anët, si mënyra më e mirë për ecjen para”.

“Me rëndësi është që marrëveshja të jetë e zbatueshme, e drejtë dhe e qëndrueshme”, transmeton Klan Kosova

Pastaj ai ka thënë se me të dërguarin Richard Grenell ka marrëdhënie shumë të mira duke theksuar se nuk është hera e parë që SHBA dërgon dy përfaqësues për një çështje.

Shpërndaje në rrjete sociale

Lajmet më të lexuara

Të ngjashme

Foto lajm